مرحبااااااااااااا
وانا حبيت ضيف من عندي امتال شاميه ولعيووونكم ^^
ئالتلها ياجارتي سكبيلي _ئالتلها بشو اسكبلك بكفوفي ولا بصحونك يلي عبت رفوفي
متل الحبلاس كل ما كبرت عم تحلى
متل مزح الحمير عض ورفس وتحفير
متل الخنفسة بالطاسة
متل اللي جاب الدب لكرمو
متل اللي عم يغني بالطاحون
متل حية التبن بتقرص وبتخبي راسا
متل فوطة الحمام من ايد لأيد
متل العرباية ع البلاط
متل الحرباية بالوش مراية وبالقفا صرماية
متل اللي عم يرقص بالعتمة
متل الشمعة بضوي ع غيري وبعتم ع حالي
متل الخنزير المقوص
متل خلفة الناموس البنت خايبه والولد متعوس
متل سيران الكلاب كترة غبرة وقلة واجب
متل الحبر ع الورق
متلك مين يا مالي ورس مالي
مفتاح التم لقمة ومفتاح الشر كلمة
من كتر خطابها بارت
منقلو تيس بقلنا حلبو
ما في شجرة ما هزا الهوى
ما في طلعة إلا وراها نزلة
مابيحك جسمك متل ضفرك
ماحدا بيقول عن زيتو عكر
ما يتجمع الناموس الا على الضيف المنحوس
مو حافظ من العشق غير كلمة أوحشتني
من طول عمرك يا تينه مجعلكه
مطرة نيسان بتحي قلب الانسان
من قلّة الخيل ركبنا على الكلاب سروج
مو كل ابيض شحمة ولا كل اسود فحمة
مو رمانة لاكن قلوب مليانة
مو كل مين قال بكره العيد دفعولو
مين خلف ما مات
ما في شدة إلاّ وراها فرج
مين داري عنّك ياللي في الظلام تغمز
من قلة الرجال سمو الديك ابو علي؟؟
منقلو ارملة بيقول صاحب البيت وين؟؟
من بعد حشيشي ما ينبت حشيش ومن بعدي ما حدا يعيش
قال يا قاعدين يكفيكن شر الجايين
قالوا للمسمار ليش بتفوت بالحيط قلهن من كثر ماضربوني
قتاية عوجة إن جلستا بتنكسر
قطع الأعناق ولا قطع الأرزاق
قال يا مآمنة بالرجال متل المية بالغربال
قالولو شو فوتك لبيت عدوك قلن حبيبي جواتو
قلبي على ولدي نار وقلب ولدي على الحجر
قال له وحياة خالقك مني عاتقك مو محبة فيك بس لحتى ضايقك
قالوا للديك صيح قال كل شي بوقتو مليح
قالولو بعيد عن الشر وغنيلو قالهن لا بيغنيلي ولا بغنيلو
قالو لكتير الغلبة نص الدني إلك قالهن النص التاني لمين
قدها قد الفارة وصوتها ملات الحارة
قلتني وبكى وسبقني واشتكى
فارة وقعت من السقف قالتلا القطة اسم الله , قالتلا اتركيني بحالي انا بألف خير من الله
فقير ونقير واغنجي يا مرا عالحصير
فوتة الحمام مو متل طلوعو
كتر الدلال بيهرب العاشق
كما تراني ياجميل أرااااااااااااك.
كنس بيتك مابتعرف مين بيدوسو وغسل وشك مابتعرف مين بيبوسو
كول تووووووووم وإنسا الهموم وكووووول بصل وإنسا اللي حصل
كول لئمة كبيرة ولا تحكي كلمة كبيرة
كلمة خود ولا ألف كلمة هات .....
كلمة يا ريت بزمانا ما عمرت بيت..
كلمة بتحنن وكلمة بتجنن
كلمة نظيفة أحسن من جريدة وسخة.
كل مين مخطتو ع تمو حلوة
كتر الحكي يبري الحجر.
كل مين بيجر النار لقرصو
كترة الأيادي بتحرق الطبخة
كرمال عين تكرم مرج عيون
كسرنا الدف وبطلنا الغني
كل جاجة حفرت على راسا عفرت
كل ديك على مزبلتو صياح
كل طايفة والها بالوعة
كل مين شافني أرملة شمر واجا هرولة
كلام القاضي متل الفستق الفاضي
كون ديب ما بتاكلك الدياب
كومة حجار ولا هالجار
كل ئمحة مسوسة والها كيال اعمى
لا تاخد صاحب الا بعد خناقة
لا تاخد هاللبانة إلا من هالحنك الأعوج
لا تتقل على امك وأبوك بيكرهوك
لا تعلم شحاد على باب دارك
لا تقول عنب ليصير بالسلة
لا تعيبي يا معيبة وياسريجة مقطبة
لا تعلم شحاد ع باب دارك
لا بنام بين القبور ولا بشوف منامات وحشة
لابق للشوحة مرجوحة ولبوبريص قبقاب
لا تقول للأعور أعور بعينو
لا تقلي ولا بقلك الدهر محيرني ومحيرك
لبس العود بيجود
لبس المكنسة بتطلع ست النسي
لبس الاسمر أحمر واضحك عليه.
للي يبيعك بالفول بيعوا بالقشور.
بؤل أه بيطلع دخان
بيت كبير وحيطانو حمر وجواتو شي بيقصف العمر
بحياتك لا تقول للمغني غني ولا للرقاص رقوص
برا شحرور وبالبيت دبور
بين النور مافي تكليف
عقربة في الغار ولا ضرة في الدار
عصفور باليد احسن من عشره على الشجره
على قد زيتو اسرجلوا
على قد لحافك مد رجليك
عطي الخباز خبزو ولو اكل نصو
عم يرش ع الموت سكر
عينو بالطبق وإدنو لمين زعق
عمر الدمع ما شعل شمع
عيوبنا لا نراها وعيوب الناس نركض وراها
علمناهن الشحادي سبقونا عالبواب.
على حظ الحزينة سكرت المدينة
عم يفوش متل الزيت
عمر عطيني وبالبحر ارميني
عند الكبرة جبة حمرا
عود منيح واحكي صحيح
عيش كتير بتشوف كتير
عيش يا كديش لينبت الحشيش
يا بسمة الصباح ويا ورد التفاح قلبي ولك دخيلك راح
يا داخل بين البصلة وقشرتها , ما ينوبك إلا ريحتها
ياجاية بلا عزيمة لاقدر ولاقيمة
يا محلا الجمعة ، لو على فانوس وشمعة
يلّي ابوه البصل وأمو التوم من وين بدها تجي ريحتو طيبة
يا آخد القرد على مالو بيروح المال وبيضل القرد على حالو
يلّي بياخد من غير ملتو بيموت بعلتو
يا شاري الهم من قلب صاحبو
يا مسترخص اللحم عند المرق بتندم
يللي إلو طباخ ما بزفر ايدي
يللي انتهى عمرو ما بتهينوا شدة
يللي متلنا تعوا لعنا
يلي ببيت أهلو على مهلو
يلي بيفوتك حصرم بتاكلو عنب
يلي مالو عتيق مالو جديد
يلي مالو كبير مالو تدبير
يلّي ايدو بالمي مو متل يلي ايدو بالنار
تقبر غيري ياتسلملي..
تسلملي ها الئامه متل عود البامة
تجوزنا لننستر سقى الله أيام الفضيحة
توب العيرة ما بيدفي واذا دفا ما بيدوم
تعال علي وخلصني ولا تجي مع وتشربكني
جابو الذيب يعلمو لقراية ..قالوله ألف ..قال عنزة قالوله باء قال جدي
جرح الخنجر يطيب وجرح الكلام ما يطيب.
جدي بدو يلعب بعقل تيس
جمال المرء في لسانه ..
تتبختر وتتغندر وتقول يأذوها شباب البندر
تلاتة بيطولوا العمر .. الدار الوسيعة والمرأة المطيعة والدابة السريعة
حارتنا ضيقة ومنعرف بعضنا
حط راسك بين هالروس وقول يا قطاع الروس.
حكينا وبكينا وبالاخير طلع العيب فينا
خلي العسل بكواره لتجي أسعاره
خبيتك يا دمعتي لوقت شدتي
خدوا البنات من صدور العمّات
خبي فحماتك الكبار لعمك آذار
خل ببلاش ولا عسل بمصاري
خود الفرس من الفارس
خود الاصيلة ولو كانت على الحصيرة ...
خود الأصيل ولو كان عا لحصير
جبت الأقرع يونسني كشف عن قرعته وفجعني
رضينا بالبين والبين مارضي فينا.
راح الأعور وتبعور
روح يا ناكر خيري بكرة تشوف زماني من زمن غيري
رضا الناس دوخة راس
راكب الحمار عم يدور عليه.
راحت السكره واجت الفكره
راكب جمل وحامل علم وبيؤول ما حدا شايفني
ربوط الحمار مطرح ما بقلك صاحبو
زنان خوان خالي من الإحسان ..
دوم الخل منو وفيه
دواء مالا تشتهي النفوس تعجيل الفراق.............
دواء الدهر الصبر.....
دور الدورة ولو دارت وخود القصيرة ولو بارت...
دخيل ها الطول متل قرن الفول
دق الطاسه تجيك ألف رقاصه
دخول الحمام ما هو متل طلوعوا.
ذكر بلده ونسي ولده...
هين فلوسك ولا تهين نفوسك
هم البنات للممات
هربنا من عزرائيل اجانا قباض الارواح
سمره ونغشه، ولا بيضة ودفشة
سعد الخبايا بتفتل فيه الصبايا
سعد الدابح ما بيخلي كلب ناب
سعد السعود بدفا كل مبرود
سعد بلع السما بتمطر والآرض بتبلغ
سمك بالمي ما بينشرى
سموك مسحر خلص رمضان
سكر بابك وآمن جارك
ست وجارتين ع قلي بيضتين
شباط ما على كلامو رباط
شاور أكبر منك وأصغر منك وارجع لشور عقلك
شعرة من دنب الخنزير مكسب
شفناك فوئ وشفناك تحت عايف حالك وعم تمشي شحط
شو بتعمل الماشطة بالوش العكر
شو بيلتم على الزبالة غير الدبان
شو بدي استفكر منك ياسفرجلة كل عضة بغصة
شو ما طبخت العمشا جوزا بيتعشى
صار للدبانة دكانة و تفتح الساعة تمانة
صار للشوحة مرجوحة ولأبو بريص قبقاب.
صار وتصور متل البدر المدور
صاحبي وحبيبي وناح الجيبة لا تقرب
صبي حمام ايد من ورا وايد من قدام
صرلو بالقصر من امبارح العصر
صنعة باليد أمان من الفقر
صوته متل العرباية عالبلاط
صوته متل صفيرة الشرطي
طب الطنجرة ع تما البنت بتطلع لأما
طعمي التم بتستحي العين
طلع القمر ودور ونسي زمانو الأول
طلعت الحشيشة على راس لساني
طالع عالسلم بقباب
طنش تعش تنتعش تنعس تنام.
طعميتو عسل عض أصبعتي
طول الغيبة وجانا بالخيبة
طعامك ما جاني ودخانك عماني...
طول ما انت زمار وانا طبال ياما بدنا نشوف من الليالي الطوال
ظاهر العتاب خير من باطن الحقد
ضيف المسا ما لو عشا .....
ضربني وبكى سبقني واشتكى
نيال اللي ماله عقل يفكر فيه
نص الكلام مالو جواب
بكينا لعمينا . ومشينا لحفينا
بيئتل الأتيل وبيمشي بجنازته
وشه ما بيضحك للرغيف الصخن
وآآآآآل يا ريتني برغشة وإسمع هالوشوشة
وقت بتقع البقرة بيكترو سكاكينا
غابت السباع ولعبت الضباع .......
إذا التلك تئبرني لاتبحش وتطمرني..
انتو بتفصلو ونحنا منلبس
أل نيالك يا ئصيره جوزك بيشوفك وبيحسبك زغيره ههههههه
اذا بتضلك عم تلف وتدور بتدوخ وبتووئع متل الصرصور ههههه
اذا بدك تستريح شو ماشفت اول منيح
اصرف ما في الجيب يأتيك ما في الغيب
أكبر منك بيوم أعرف منك بسنة
ايمتا كنا والشمس ترقعن
إن داقت عليك المخازن مخزنك عبك
إن كان حبيبك عسل لا تلحسو كله
أعزب دهر ولا أرمل شهر
اذا الصغير انتشا الكبير باس ايدو
إن عاب عليك أصلو دلايلو فعلو
ان كبر ابنك خاويه
اكسر للبنت ضلع يطلعلها عشره
اسعى يا عبد وانا اسعى معاك
أكل ومرعى وقلة صنعا
اجت الحزينة لتفرح ما لاقت مطرح
اشتهينا الجاجة قمنا اكلناها بريشها
اخدنا عالبحر ورجعنا عطشانين
إذا عملت معروف استره وإذا نلت معروف انشره.
الدعوة بتدور بتدور ع سبع بحور وبترجع لصاحبها
الرجل ما بتدب غير مطر ما بتحب
الكبير اللي بيتدلع متل الباب المخلع
العشئ بعد الستين متل المشي في الطين
الحب مطب والعاشق أعمى
النار ما بتحرق ايد إلا كاويها
الحجر اللي ما بيعجبك بفجك
المونة بدا ركونة ما بدا مرا مجنونة
الجواب بمحلو متل الدهب بمغلو
السكافي حافي والحايك عريان
الرجال عند غراضها نسوان
العين ما بتعلا عالحاجب
الدم ما بيصير مي
العين بصيرة والايد قصيرة
العروس بعلقها وقلة أكلها
الرحمة مخصصة والبلا بيعم
الحية إذا جاعت بتعض بطنها
الكلام بينداق متل الطعام
الله بيطعم الحلاوة للي مالو سنان
الولد اللي ما بيبكي امو ما بترضعو
الطرق ولو دارت والبنت ولو بارت
الدهر يوم الك ويوم عليك
الخبز والماء أكل العلماء
الحارة ضيقة والحمار رفاس
الخوف بيقطع الجوف
الجنازة حامية والميت كلب
الخير بخير والشر بغير
العين مغرفة الكلام
البيت بسكانو مو بيحيطانو
الجمل لولا الفزة لحمل المزة
الجار قبل الدار
الولد ولد ولو صار قاضي بلد
الجحشة بعليقها والأصيلة بعليقها
اللي ماله أم حاله يغم
القرد بعين أمو غزال
العبد فى التفكير والرب فى التدبير
اللي بيطلع لفوق بيتعب
الضيف الشرشوح بياكل وبيروح
الديك الفصيح من البيضة بيصيح
العين ما بتعلا على الحاجب
الكلام اللي ما بينفد يا حسرة قايلوا
الترفع عن شتم اللئيم كرم
الشكوى لغير الله مذلة
الزهر بيموت من القهر
الدفا عفا ولو بعز الصيف
الأعور بين العميان ملك
الجمال الزين المبسم والعين
المال الداشر بيعلم الناس الحرام
الحشاش أحسن من الغشاش
الشب الغاوي شو ما راد يساوي
الحية ما بيبرد دمها لتنفض سمها
البرغوت قال للبقة يضرب الشرشوح إذا ترقى
العز لا رز والبرغل شنئ حالو
انفشو وشوف ماأشجحو
الوردة ما بتشبع بس بطيب منافس
الغنية بتقل خلخالا والفقيرة بتستر بحالا
الخنفسة شافت بنتها على الحيط قالتلها تقبريني متل اللولية بالخيط
الخنفسة شافت ابنها عالحيط قالتو يقبرني هالسواد شو لابق عالبياض
العصفور حب يتعلم مشية الزرزور صار يمشي نطوطة
العيبي بالجيبي وقلة الحيا دارجي.
لواحد يمشي بجنازة ولا يمشي بجوازة
اللي استحو ماتو
الي بيغير عادتوا بتقل سعادتوا
البيت اللي رباني ما بينساني
العجلة من الشيطان والتأني من الرحمن
اللي ما بتأثر في الكلمة ما بتأثر في اللقمة.
اللي بشوفني بعين بشوفو بعينتين
اللي بيخفف راسو بتتعب رجليه
اللي بيدق الباب بيسمع الجواب
اللي بيعرف أولتو بتهون عليه آخرتو
اللي بينشرى ما بينشهى
اللي يعرف حده يوقف عنده
اللي ما بيخاف الله خاف منو
اللي بيحب الورد بيتحمل شوكه
البنات منهن أوانس ومنهن أبالس
البنت من غير إبرة زي القط بدون مخلب
البنت تتدلل ليوم ما تتجوز
البنت تتدلل ليوم ما تتكلل
البنت الحرة زي الذهب في ألصره
الولد أوله خرى وأخرته للمرأة
الولد بالمدح والبنت بالردح
الوليَه وليه لو عندها سبائك ذهبيه
اللي ما عندها بنت ما عندها أم
اللي تسمع كلام ابوها كل الناس يحبوها
بنت عشره لوزه مقشره وبنت عشرين نزهه الناظرين وبنت ثلاثين أم البنات والبنين
بنات البخوت مالهم تخوت
بنت الاكابر غالية لو كانت جاريه
بنت الاصول عشرتها تطول
تحياتوووو ^^
04-18-2008, 01:57 PM
