كيف بيتميز الشامي عن باقي الخلق؟؟
خخخخخخخخخخخخخخخخ
* بيفهم في الطب وبيشخص المرض ويوصف الدواء وبيفهم في الكهرباء وتصليح
السيارات والطبخ والسياسة والطابة والعمار ... وكل شي بيخطر ببالك.
* بيحط الريموت كونترول بكيس نايلون حتى ما يتغبر وتروح الأرقام.
* بيوقف يتكلم على الباب نص ساعة بعد إنتهاء الزيارة والسلام.
* في خزانة المطبخ عنده عشرين قطرميز فاضي منشان اذا احتاج يستخدمها ومازال
مُصِر على جمع المزيد.
* ييجي بعد الموعد بساعتين دون ان يعتذر.
* بيحكي بصوت عالي في المكالمة الدولية منشان التاني يسمعه.
* بيعتبر حاله أفضل واحد في الشراء والمفاصلة بعدين بيكتشف إن المحل اللي جنبه
أرخص من غير مفاصلة.
* بيحتفظ بأكياس محلات اللبس والأحذية وورق الهدايا تحت الفرشة لسنوات من مبدأ
: إلـّما يلزمو.
* بيشتري قبل الإفطار في رمضان ألف نوع حلو.
* عنده منقل شوي للرحلات يستخدمه مرة واحدة أو 3 مرات إن كترت.
* بيفكر إن أي حدا بيشتغل في الخليج بيغرف مصاري من غير حساب وأغنى واحد في
الدنيا.
* و أول ما ينزل عالخليج بيشتريلو بي إم ، أو مارسيدس من سوق الحراج و لازم
يكون اللون أسود نظييييف.
* بيكون مشغول بقيمة البخشيش طول العشا... ياترى أعطي 25 ولا 50؟.
* بيتخانق ساعة مشان يدفع حساب المطعم بحرارة شديدة ... وقلبو عم يقول حق بق.
* بيفرش شرشف التخت على طقم الكنب منشان ما يتوسخ، ولما يجوا الضيوف بيترك
الشرشف.
* بينتظر بفارغ الصبر بياع المحارم أبو : الـ7 بمية المحارم ليموّن لشهرين
عالأقل.
* اذا ركب تكسي... طول الطريق عم يطلع عالعداد.
* عندو التخبيص بلعبة الشدة مصيبة كبيرة .. وممكن يخسر رفيقه مشان برتية شدة
* اول يوم العيد بيطبخ شاكرية خخخخ
يلاشو رأيكم
وياعليهم هالشامين مافي شغلة غير بيتميزوو فيا
يأبرني ربون انا
يلا هاتو هاتو من عندكم اشياء بيتميز فيا السوريين :084:
كيف بيتميز الشامي عن باقي الخلق؟؟ 
